Лесно се дресираат, лојални се: Кои се најинтелигентните раси на кучиња?

Кучињата од расата бордер коли се сметаат за најинтелигентни во светот, а на листата се наоѓаат и германскиот овчар и пудлата.

Исто како луѓето, и кучињата имаат различен коефициент на интелигенција.

А, некогаш нивната интелигенција зависи и од нивната раса.

За Reader’s Digest, неколку ветеринари и експерти за кучиња откриваат кои се најпаметните раси и зошто се истакнуваат од другите со својата интелигенција:

Бордер коли

Според досегашни истражувања, оваа раса е најинтелигентна. Во САД постоело и куче од оваа раса кое може да препознава над 1.000 збора.

Овие кучиња потекнуваат од Англија, Шкотска и Велс и имаат способност да преживеат на таков карпест терен.

Притоа, брзо учат команди и се одлични овчарски и кучиња чувари.

Доколку сакате вакво куче, треба да бидете подготвени да му понудите многу ментална и физика стимулација.

Оваа раса мошне добро комуницира со луѓе, лесно се адаптира, но бара и многу внимание.

Пудла

Иако некогаш е нарекувана „француска“, пудлата е всушност раса што потекнува од Германија.

Според истражувањата, овие кучиња имаат истакната емоционална, но и когнитивна интелигенција.

Послушни се, лесно разбираат команди, а и сакаат активности кои ги предизвикуваат, како следење некаква трага.

Интересно е што овие кучиња сакаат и да изведуваат трикови за нивните сопственици.

Поради високата интелигенција, и ова е куче кое бара многу ментална стимулација, односно повеќе внимание од сопственикот.

Германски овчар

Овие кучиња се одгледувани поради нивната интелигенција и можат да учат нови команди за многу краток период.

Послушни се, имаат огромен фокус и често се заштитнички настроени.

Можат да се справат со стресни ситуации и токму поради ова неретко се дел од спасувачки тимови, па дури и полициски единици.

Доста често, германските овчари се одгледуваат и како помошници за лица со попреченост токму поради нивната интелигенција.

Златен ретривер

Ретриверите не само што се интелигенти, туку се и желни за учење, па е мошне лесно да ги дресирате.

Некои кучиња можат да научат и до 200 наредби, и тоа по само еден-два обида.

Тие сакат да им угодуваат на луѓето и нивните сопственици можат да се потпрат на нив дури и во опасни ситуации.

И ова се кучиња кои често се помошници на луѓе со попреченост.

Продолжува на следната страница...