Најсмртоносните животни и инсекти за луѓето (дел има и во Македонија)

Скорпии

Очекувано, на листата треба да има и отровно животно.

Постојат околу 25 вида скорпии чиј отров е смртоносен за луѓето, а заедно се одговорни за околу 2.600 смртни случаи годишно.

Убодите најчесто настануваат кога луѓето ги згазнуваат боси, па тие пробуваат да се одбранат.

Што значи, самите не напаѓаат и ако одите на место со отровни скорпии, треба сами да бидете внимателни.

Отровни змии

Веројатно уште едно животно што го очекувавте.

Ширум светот постојат околу 600 вида отровни змии, а сите заедно се причина за околу 130.000 смртни случаи годишно.

Во просек, помеѓу 1,8 и 2,7 милиони луѓе годишно се каснати од отровна змија и добрите вести се дека повеќето преживуваат.

Сепак, има многу случаи на ампутации и трајни инвалидитети предизвикани од отровни змии.

Според податоците на Википедија, во Македонија има 16 вида змии, од кои три се отровни.

Па, ако одите на планина или каде било во природа, распрашајте се за змиите кои виреат во тој регион.

Слатководни полжави

Слатководните полжави сами по себе не се отровни, но тие се носители на неколку паразити кои се смртоносни за луѓето.

Поради ова, контактот со слатководни полжави е причина за околу 200.000 смртни случаи годишно.

Комарци

Колку и да ви звучи чудно, комарците се најсмртоносното суштество на планетата за нас луѓето.

Годишно тие „убиваат помеѓу 725.000 и 1 милион луѓе.

Нормално, самите комарци не можат да убијат човек, но тие многу лесно разнесуваат болести, од кои најчесто маларија.

Кај нас комарците не претставуваат сериозна закана по здравјето, но во сиромашни земји, со недостаток од хигиена и медицинска нега, како во Африка, можат да бидат многу, многу сериозен проблем.

Спирова С. | Црнобело