Да бидеме благодарни за кучињата - тие се најголемиот дар во животот

Дали понекогаш се фаќате како зјапате во вашето куче? Додека вие се борите да ги завршите работните обврски, тоа веќе ужива во третата дремка денес.

А штом ги отвори очите веднаш сака да се милува со вас и ви ја носи омилената играчка за да си играте. Ова суштество зрачи со позитива додека светот се распаѓа надвор.

Кучињата се најголемата емоционална поддршка на луѓето отсекогаш. Тие се гуруа за нашето ментално здравје.

Даваат безусловна љубов и нивното присуство во нашиот дом во ова тешко време е од клучно значење.

Колку всушност им должиме на нашите кучиња?

Дали ја земаме нивната љубов здраво за готово постојано?

Тие како да се програмирани постојано да бидат до нас. Да бидат блиску до луѓето како отсекогаш да е нивната верзија за рајот.

Но, на моменти кога сме нерасположение дури ни пречи нивното лаење или трчање, а тие само бараат внимание од нас. Зошто сметаме дека треба да викаме по нив и да ги казнуваме или да ги игнорираме нивните потреби?

Тие 24/7 ја задоволуваат нашата потреба за љубов и физичка блискост, но ние сме себични на моменти. Си ја гледаме својата работа, додека тие се чувствуваат одбиено и не доволно сакано од наша страна.

Да бидеме благодарни што кучињата постојат. Да бидеме свесни дека тие се најголемиот дар што некој би можел да си го посака.

Да ја цениме нивната поддршка и безусловна љубов што ни ја даваат во секоја секунда од животот.

Да одвоиме време да им дадеме љубов за возврат и да си го поставиме прашањето: „Дали правиме доволно за овие неверојатни, љубовни суштества“?, „Дали можеби им должиме повеќе од што веќе сме им дале“...

Извор