Фитнес блогерка откри како ги надминала стравовите од промените на телото во бременоста

Од стрии и отечени зглобови до проблеми со менталното здравје, оваа фитнес блогерка ги открива сите страни на бременоста.

Фенела Скарлет МекКол е фитнес блогерка од Мелбурн, која одлучи отворено да проговори за стравовите во бременоста. Таа е во шестиот месец од бременоста и почнувајќи од месец јули постојано на своите 93.000 следбеници на Инстаграм им говори како бременоста влијае на неа, физички и емоционално.

Фенела вестите за бременоста за прв пат на Инстаграм ги сподели во 9-тата недела , кога откри дека покрај тоа што е пресреќна и возбудена, искусува и неверојатно високо ниво на летаргија. Едноставно се чувствувала безенергична.

Во 14-тата недела таа откри дека се чувстувувала несигурно и изгубено, но конечно започнала да ги прифаќа промените што и се случуваат на телото, како стрии и целулит кај бутовите.

Во 15-тата недела откри дека сè уште се бори со промените што се случуваат на нејзиното тело и со фактот што качила два пати повеќе од препорачаната тежина за тој период.

Но потоа Фенела откри дека одлучила да се фокусира на тоа да биде среќна и здрава наместо тонирана.

„Прегрнете ја улогата, заедно со целулитот и зголемената тежина во бременоста. Фокусирајте се на позитивните емоции и цели. Јас имав некои чудни појави на телото за време на бременоста, кои ми носеа срам, но сфатив дека сето тоа е дел од животот и одлучив низ тоа да минам со високо крената глава“, порача таа.

https://www.instagram.com/p/BbJh9NuFNbJ/?taken-by=fitfenji

Сега Фенела е во 24-тата недела од бременоста и вели дека го чувствува бебето како мрда во нејзиниот стомак и се повеќе и повеќе се вљубува во него. Благословена е од улогата, па не мисли на тоа дека не може да си ги врзе врвките на чевлите и има акни на задникот.

• 
• 
• 
• 
• 
• 
• 
• 
• 
•  

С. С. | Црнобело