Девојка одлучила нејзините баби да ѝ бидат деверици на свадбата (фото)

Со оглед на ограничувањето на бројот на гостите на нејзината свадба и фактот дека нејзините баби ѝ биле меѓу најважните личности во животот, Меган одлучила токму тие да ѝ бидат деверици.

Меган Кенеди и Томас Кахун од Велика Британија биле во врска од 2017 година, а стапија во брак во октомври 2020 година на свадбена церемонија со само 15 гости.

Тие имале закажано свадба со 200 гости за март 2020, но морале да ја одложат поради пандемијата.

Ја презакажале за во октомври, но поради короната морале да го ограничат бројот на гости, па тие биле сведени на членовите од семејството. Така, Меган дошла на идеја нејзините баби да ѝ бидат деверици.

Едната нејзина баба има 80 години, а другата 90. Тие одиграле голема улога во нејзиниот живот, па за неа имало смисла токму тие да ја имаат улогата на деверици на нејзината свадба.

Двете се во инвалидски колички, но едната од нив собрала сила да стане за да ја испрати на нозе до олтарот.

Се внимавало на препораките, а 10 дена пред свадбата младоженците биле во изолација за да не го загрозат здравјето на бабите на Меган.

Фотографиите од свадбата зрачат со емоции:

• 
• 
• 
• 
• 
• 
• 
• 
• 
• 
• 
• 
•  

С. С. | Црнобело