Краток тест: Одберете ја идеалната нијанса на пудра за 2 секунди

Освен текстурата која треба да одговара на вашиот тип кожа, многу е важно да ја погодите и точната нијанса на течна пудра.

Изборот на пудра која најмногу ви одговара може да биде прилично тешка работа.

Кога пробувате некоја течна пудра тестирајќи ја на кожата ан раката, голема е веројатноста дека нијансата нема да ви одговара на тенот на лицето. Рацете речиси секогаш се потемни, а текстурата погруба.

Доколку се наоѓате во парфимерија и ја барате идеалната нијанса, направете краток тест од само 2 секунди и ќе ја најдете вистинската која целосно ќе се вклопи со вашиот тен.

На челото нанесете мала количина пудра и на силно светло проверете дали бојата  на пудрата одговара со бојата на вашиот природен тен.

Таа мора да биде многу слична или само за нијанса посветла од природната боја на кожата.