Кога не ви се пали пегла: Домашна маска за исправување на косата

Жените кои немаат природно права коса се најдобри пријателки со пеглата. Но, во лето тешко е да го одржите тоа „пријателство“.

Кога надвор е +40 степени, а вие треба да присуствувате на некој важен настан, не знаете што да правите со косата. Пеглата не доаѓа во обѕир, но затоа постои решение кое нема да ве изнамачи.

Потребно ви е:

• 1 шолја кокосово млеко
• Сок од 1 лимон
• 2 лажици маслиново масло
• 3 лажици пченкарен скроб

Измешајте го пченкарниот скроб и сокот од лимон, за да добиете хомогена смеса. Во друг сад измешајте го млекото со маслиновото масло, па додајте ја мешавината од скроб и лимон. Загревајте и мешајте додека не добиете кремаста смеса.

Маската оставете ја да се олади, па нанесете ја на косата и покријте ја со капа за туширање и топол пешкир.

После 2 часа измијте на вообичаен начин.

М. Д. | Црнобело