Трикови со кои вашата коса ќе изгледа многу погусто

Понекогаш сите сме во брзање и немаме време за средување на косата, па едноставно мораме да се послужиме со некој трик кој нe одзема многу време.

Следните трикови можете да ги искористите секогаш кога ќе сакате да имате погуста коса која ќе биде средена за само неколку минути.

1. Искористете пена за коса

Ставете пена за коса во количина еднаква на киндер јајце и убаво нанесете ја на косата, од коренот кон врвовите, пред да ја исушите косата со фен.

2. Расчешлајте ја косата со прсти наместо со фен

Кога ја сушите косата наместо веднаш да земете четка или чешел искористете ги прстите и внимателно поминувајте низ косата за таа да се расплетка. Подигнувањето на косата од скалпот со прстите ќе ви помогне таа да има многу поголем волумен.

3. Променете го патецот

Ако најчесто правите патец на средината, сега направете го од левата или десната страна и веднаш ќе добиете одличен ефект на густа и подигната коса.

4. Ставете регенератор пред шампонот за поубава текстура на косата

Регенераторот е одличен бидејќи ги измазнува врвовите и ги прави неверојатно меки. Но за тие чија коса е премногу мека тоа може да биде проблем. Токму затоа, измијте ја косата по обратен распоред, прво регенератор, па шампон и веднаш ќе забележите огромна разлика во вашата текстура.

5. Додадете шнола во опавчето за тоа да изгледа погусто

Поделете го опавчето на пола и во делот каде тоа е врзано ставете шнола врз која ќе ја спуштите другата половина.

6. Истапирајте ја косата и испрскајте лак

Тапирањето на косата е трикот со кој се служат сите  врвни стилисти кога е во прашање подигнувањето на косата. Поделете ја целата коса на помали делчиња и секое делче посебно истапирајте го по што ќе го испрскате со лак.

7. Свиткајте ја косата во мали пунџи преку ноќ

Доколку ја свиткате косата во мали пунџи и така ја оставите во текот на ноќта, следното утро ќе имате виткана косa со многу поголем волумен од тоа што сте мислеле дека може да постигнете.

8. Користете сув шампон и кога косата ви е чиста

Сувиот шампон и покрај тоа што е одличен за мрсната коса, може да ви биде од голема корист доколку сакате да имате поизразена структура, дури и кога косата ви е совршено чиста. Трикот е да го распрскате пред и по стилизирањето по должина на целата коса, но сепак внимавајте да не претерате и да добиете коса полна „прашина“.

9. Користете ги очилата за сонце како венче за косата сама да ви се исуши

Зафрлете го наназад предниот дел од косата додека таа е сè уште влажна и ставете ги очилата за сонце како венче, така што ќе ги вратите малку нанапред. Оставете ги така додека косата целосно не ви се исуши и веднаш ќе видите дека сте добиле поголем волумен.

10. Сушете ја косата со наведната глава

Откако ќе завршите со сушењето и стилизирањето на вашата коса, наведнете ја главата надолу и сушете уште некое време. Кренете ја главата и исчешлајте ги неуредните делови со прстите.

М. С. | Црнобело