Корисни трикови како да ги измерите состојките „од око“ (а да се точни)

Ви се случило ли кога готвите да ставате состојки „од око“? Но, што ако рецептот бара точни мерки, а вие немате вага? Овие едноставни трикови да измерите со чинија, со прсти или со лажици, ќе ви бидат добредојдени...

Кога подготвувате храна по некој рецепт, често треба точно да ги измерите состојките што ги ставате.

Но, при рака немате вага, а мерките се дадени во милилитри или грамови, како тогаш да измерите точно колку треба да ставите од некоја состојка?

Прочитајте ги овие корисни трикови, каде состојките ќе можете да ги мерите „од око“ со помош на рацете, со лажици, шолји или чинии, а сепак тие ќе бидат точни.

Мерете со раце

Да претпоставиме дека треба да измерите сол (иако на ист начин можете да измерите и други зачини или состојки).

- Спојте ги прстите на шаката и подзатворете ја дланката. Потоа полека истурајте ја солта во неа. Количината што ќе ја собере во централниот дел на дланката е еднаков на 1 лажичка сол.

- Кога ќе земете сол меѓу палецот, показалецот и третиот прст, тоа е еднакво на 1/8 лажичка, односно прстофат.

- Повторете ја претходната постапка двапати ако треба да измерите ¼ лажичка.

- Ако истурите сол на брегот на дланката кој се наоѓа под показалецот, ќе добиете количина еднаква на ½ лажичка.

- Врвот на палецот е мерка за 1 лажица.

- Врвот на показалецот е еднаков на 1 лажичка.

Мерете со чинија

Состојките можете да ги измерите и со помош на чинија (со дијаметар од 27cm).

Ако е полна ¼ од чинијата, тоа е еднакво на 1,5 шолји за чај.

Ако чинијата е ½ полна, тоа е еднакво на 3 шолји за чај (околу 700g).

Мерете со шолји за чај и лажици

Кога ја мерите храната со шолји и лажици, треба да знаете дека постои разлика меѓу мерењето состојки во милилитри и грамови.

Ако треба да измерите 30ml течност, таа количина е еднакви на 6 мали лажички.

За да измерите 30ml течност можете да користите и големи лажици, но во тој случај оваа количина е еднаква на 2 големи лажици.

Ако, пак, треба да измерите 250g брашно, сол или некоја друга волуменозна состојка, таа ќе биде еднаква на количината што ќе ја собере во 1 шолја за чај.

А. Ј. | Црнобело