Чистка во гардероберот: 10 работи што треба да ги исфрлите

Средувањето на плакарот знае да биде вистински предизвик, но вреди да вложите труд и време, за на најдобар начин да си ја организирате гардеробата.

Многу почесто одиме во шопинг, отколку што правиме темелна организација на гардеробата.

Заради тоа, често се случува орманот да ни е е преполн со облека, а во суштина, да немаме баш премногу избор на парчиња за носење.

Затоа, вистинско време е да се ослободите од сѐ што непотребно ви зазема простор во плакарот, а направите место за нештата кои реално ќе ги носите.

Па, доколку сте спремни за чистка во гардероберот, десетте работи што задолжително треба да ги исфрлите се:

1. Стари пижами

На старата и износена пижама, не ѝ е место во плакарот. Затоа, пронајдете ѝ нова, удобна и квалитетна замена, која исто така долго ќе ви потрае.

2. Фустан што сте го носеле на повеќе од пет свадби

Или која и да е бројката што ја имате на ум. Но, тогаш време е местото на тој фустан во орманот, да го заземе друг фустан, или, пак, поинакво модно парче, што ќе го избирате во текот на облекувањето за такви свечени прилики.

3. Облеките на бившиот партнер

Во овој случај, не се работи само за парчиња облека кои непотребно ви заземаат место во плакарот, туку и за правење „емоционална“ чистка, после која ќе се чувствувате многу подобро.

4. Износени градници

Повеќето градници го губат својот првобитен облик после година дена зачестено носење.

Но, на вас е да процените колку вашиот градник е износен, како и кога е време да го исфрлите од својот орман.

5. Бесплатни маици

Маиците со различни логоа и рекламни написи, кои некогаш сте ги добиле, а никогаш не сте ги облекле, може да ги направите корисни, така што ќе ги претворите во крпи за бришење на прашина.

6. Бели маици кои пожолтеле

Маиците во најголем дел ја сочинуваат нашата гардероба, а белите маички се клучните парчиња.

Но, доколку тие се пожолтени, а веќе не е можно да се избелат, тогаш нема смисла да ги држите во гардероберот.

7. Парчиња што не ви одговараат

Облеката што ја чувате веќе со години, а која не ви стои и е неудобна - исфрлете ја од орманот - а заменете ја со облека во која се чувствувате добро и одлично ви прилега.

8. Облека од „минатиот“ живот

Парчињата облека од средношколските и факултетските денови, сигурно уште од одамна ги немате носено, но тие сеедно се наоѓаат во вашиот плакар. Време е да ослободите простор за облеката која навистина ќе ја носите.

9. Непарни парчиња

За единичните и осамени чорапи, ракавици и обетки - нема повеќе место во гардеробата.

Тоа се работи кои се мошне лесно заменливи, поради што нема поента да ги чувате во орманот.

10. Оштетени закачалки

Скршените и оштетени закачалки, кои и не ви се баш од некаква корист, можете слободно да ги исфрлите од гардероберот.

Цените на закачалките знаат да бидат поприлично достапни, така што лесно може да пронајдете нови и подобри замени.

М. А. | Црнобело