Што јаде Џеј Ло за на 47 да изгледа како да има 27 години?

Кога зборуваме за младоликост и одлично држење за годините, прво помислуваме на Џеј Ло.

Можете да поминете часови на нејзиниот Инстаграм и таму ќе откриете дека напорните тренинзи и здравата храна се клучни за нејзиниот изглед.

Поточно, строгата диета и строгите правила се цената која треба да ја платите за да изгледате 2 децении помладо.

Што точно јаде и прави Џеј Ло?

Оброците никогаш не вклучуваат обработена храна

Сè што јаде има органско потекло. Типичниот ручек вклучува лосос и салата од разни зеленчуци – брокули, пиперка и тиквички со оцет, како и кељ со семки од тиква. За вечера пак, обожува свинско и пилешко месо, заедно со малку киноа и печени слатки компири.

Грицка паметно

„Секогаш со мене имам грицки, но под грицки мислам овошја и зеленчуци,“ вели Џеј Ло кога ја прашуваат како го издржува денот кога има дури и по неколку снимања.

Не се држи само до еден вид на вежби

Џеј Ло има двајца лични тренери кои и состануваат различен режим на вежбање и во тоа е трикот – да не западнете во рутина.

Без пороци

Џеј Ло никогаш нема да ја видите со цигара или кафе во рака. Признава дека понекогаш пие кафе, но тоа е многу ретко и е исклучиво бескофеинско.

Младешката кожа не сака сонце

„Ретко сум на сонце, но кога сум, ставам еден тон крема со заштитен фактор,“ вели. Исто така, тврди дека тенот и е изедначен бидејќи строго избегнува алкохол и кофеин. „Овие две работи навистина ви ја брчкаат кожата со текот на годините.“

Протеински шејк

Протеинскиот шејк е лесен за носење каде и да одите, и токму тоа е тајната на Џеј Ло кога и да огладни. Таа става малку протеински прав во мешавина од шумско овошје, јогурт и мед.

М. Д. | Црнобело