BMW серија 1 со 600 КС

Колку и да сте од оние кои не ги интересираат автомобилите, кога ќе слушнете дека се подготвува BMW серија 1 со дури 600 КС, тогаш тоа сигурно ќе ви го привлечe вниманието.

Екипата од тимот за тјунирање G-Power одлучи да го доработи BMW 1 M Coupe со унапреден мотор од братскиот М3. Фактички, се работи за V8 агрегат од 4 литри кој со помош на компресор истискува 600 КС.

За пренос на силата на задните тркала ќе послужи автоматски менувач со две спојки, исто од моделот М3.

Резултатот? Ѕвер кој до 200 km/h стигнува за 12,7 секунди и така може да оди до максимална брзина од 330 km/h.

G1 Hurricane RS, како што го викаат во G-Power студиото може да го скротат само керамичките кочници.

Од моделот ќе бидат произведени само 30 примероци по засега непозната, но сигурно вртоглава цена.