Македонскиот доктор, кој е модна икона во Бугарија и има прекар Кен, стана татко на близнаци (фото)
- Детали
- вторник, 13 јуни 2023
„Му благодарам на Бога“ – напиша Панче Димитриев до првата фотографија од неговите новороденчиња. Докторот со македонско потекло, кој долги години наназад живее и работи во Бугарија, и е познат по ексцентричниот моден стил, сега се пофали дека станал татко на близнаци. Досега јавно нема откриено дали е вљубен.
Нашиот доктор Панче Димитриев кој долги години живее и работи како хирург специјалист по ортопедија и трауматологија во Бугарија се пофали дека станал татко на близнаци.
Панче на својот Инстаграм профил објави фотографија со бебешки ноџиња и до неа во описот откри дека станал татко на близнаци, а на дечињата им ги дал имињата Атина и Филип.
Тој откри дека близнаците се родиле на 30-ти мај годинава.
Инаку, Панче ѝ е добропознат на бугарската јавност заради своите ексцентрични модни изданија во кои се појавува на модните настани и многупати е прогласуван за еден од најголемите трендсетери во Бугарија.
Панче средното образование го завршил во Штип, а потоа се преселил во Пловдив, каде го завршил високото образование и каде денес живее.
На Инстаграм тој има над 277.000 следбеници, а редовно е фотографиран со познати личности во Бугарија, од светот на модата и музиката.
Погледнете повеќе фотографии од него во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
