Миро Кацаров ја направи првата од двете свадби: „Ивана носеше фустан како Северина, од црква отидовме во кафеана во Свети Николе“

Детали

вторник, 22 август 2023

„Со Ивана се венчавме во една од најубавите цркви во Скопје, Св. Јован Крстител во Капиштец. Нè венча отец Михаил, кој е мој духовен водич. Беше многу убаво, емотивно“, вели за CRNOBELO.com водителот Миро Кацаров.

Водителот Миро Кацаров на 19 август ја направи првата од двете свадби со својата сакана Ивана.

Тие се венчаа во матично, а потоа имаа и црковна венчавка, која заврши со голема прослава во кафеана во Свети Николе.

Првата од двете свадби била за семејството, а Миро за CRNOBELO.com вели дека се пеело и играло цела вечер и дека сè уште ги средува впечатоците од нивниот специјален ден.

„Со Ивана се венчавме во една од најубавите цркви во Скопје, Св. Јован Крстител во Капиштец.

Нè венча отец Михаил, кој е мој духовен водич. Беше многу убаво, емотивно.

Ивана со мотоцикл ја однесов од дома до црквата и моја желба беше да се фотографираме со мотоциклот.

Матично правевме во Скопје, еден ден пред венчавката и свадбата.

Јас носев костум од познат македонски бренд, а Ивана носеше бел фустан од Mango каков што пред еден месец носеше Северина на настап во Битола.

Интересно беше што двете се појавија во исти фустани.

Од црква продолживме во Свети Николе и ја направивме првата од нашите две свадби.

Оваа свадба беше за роднините и семејството.

Имавме 70 гости и си поминавме феноменално. Сите игравме и уште сме воодушевени каква позитивна атмосфера имаше во ресторанот.

Свадбата беше навистина и интересна и креативна, но сега полека ќе се подготвуваме за 17 септември, кога ќе ја правиме втората свадба.

Таа ќе биде во Штип, ќе има околу 400 гости, ќе пеат најдобрите македонски пејачи, ќе има црвен тепих, а меѓу гостите ќе бидат и многу музичари, политичари, спортисти, инфлуенсери, адвокати, обвинители.

Прочитајте и Миро Кацаров открива детали за свадбата за CRNOBELO.com: „Ќе собираме донации за дечиња од ранливи категории, ќе биде журка на деценијата“

А. J. | Црнобело