Една година Биди Зелен ти!

На 12ти Јуни – Гоу Грин прослави една година од Биди-Зелен-Концертот! Во неделата, невладината организација Гоу Грин, во МКЦ Клубот го одбележа...

...12ти Јуни во форма на церемонија за доделување награди за изминатата година 2010/11.

Наградите беа доделени на членовите од Биди-Зелен-Клубовите (БЗК) во Скопје, Куманово и Тетово. Наградите ги стимулираат карактеристиките кои Гоу Грин се стреми да ги развие во општеството.

Наградата за самосвестност ја доби Тамара Николовска од БЗК Перо Наков (Куманово), наградата за интегритет ја доби Тијана Митревска од БЗК Ѓорѓи Димитров (Скопје), наградата за храброст ја доби Ангела Мицевска од БЗК Наце Буѓони (Куманово), наградата за иновативност ја доби Марко Михаилоски од БЗК 8ми Септември (Тетово).

На тимско ниво, наградата за општествена одговорност ја доби БЗ Клубот Перо Наков (Куманово), наградата за одржливост ја доби БЗ Клубот Д-р. Панче Караѓозов (Скопје) и наградата за Биди-Зелен-Клуб на Годината ја доби 8ми Септември (Тетово).

Дополнително се доделија и награди на Слаткаристика и Тони Зен за нивната креативност и способност да пренесат позитивна порака за подобар свет.

Настанот помина во пријатна и опуштена атмосфера, средношколците се радуваа на присуството на Слаткаристика, а Гоу Грин уште еднаш докажа дека умее да организира настан кој ќе се памети!

На линкот може да се потсетиме на Биди-Зелен-Концертот во Градски Парк од 12ти Јуни 2010 година: http://www.youtube.com/watch?v=SQl-uZy5JFY