Претстави и настани кои треба да ги посетите со децата во предновогодишниот период
- Детали
- четврток, 23 ноември 2023
Дедо Мразовци, подароци, балет, музика, песни и многу дружба и забава - децата уживаат во предновогодишниот период, а и ние со нив.
Во текот на овој и следниот месец во Скопје ќе има неколку забавни настани за кои вреди да си купите карта и да ги посетите со вашите најмали.
Ова се неколку кои ние ги издвоивме:
1. Детскиот музички спектакл „Петар Пан и Дедо Мраз“ ќе се случува на 24 декември (13 часот) во Арената Борис Трајковски.
Петар Пан во новогодишно руво ќе го фрли златниот прав на чудата, а Дедо Мраз ги повикува сите деца, ама и оние што не сакаат да пораснат, да не ја пропуштаат оваа неверојатна претстава.
Во претставата настапуваат децата од балетското студио Арт Балет. Цената на картите е 600 денари.
2. „Рудолф и Елф“ – новогодишна претстава за деца во Public Room.
Ќе се одржи на 23 декември во 11 часот. Цената на картите е 220 денари.
3. Секоја недела во Skopje City Mall во Cineplexx во сала број 6 се одржуваат театарски претстави во склоп на „Мој Театар Сити Театар“.
Картите чинат 150 денари.
4. На 16-ти декември во 11 и 13.30 часот во Национална Опера и Балет ќе се одржи претставата „Работилницата на Дедо Мраз“.
Картите ќе чинат 300 денари.
5. „Работилница Мали Палеонтолози“ ќе се одржи на 1-ви декември.
Изработка на диносаурус од пластелин во Едукативен Центар Облаче. Цената за учество е 350 денари.
Различни креативни работилници и активности во текот на секоја недела има во Kinder Park и Kidly PlaySpace, истите ги објавуваат на нивните профили на социјални мрежи.
Е. П. | Црнобело
Препорачуваме
Најчитани неделава
