Според научниците: 4 типови на луѓе се најпривлечни за комарците

Сите ние имаме пријатели кои се чини дека се омилени меѓу комарците, па често можеме да видиме врз нив голем број убоди како доказ за нивната „љубов“.

Сепак се чини дека постои и научно објаснување за преференциите на комарците односно дека постојат научни причини зошто некои луѓе се секогаш мета на комарците.

Научниците спровеле голем број истражувања на оваа тема и на крајот заклучиле дека постојат 4 групи луѓе кои се особено омилени помеѓу комарците: 

1. Бремените жени

Комарците ги привлекува мирисот на јаглероден диоксид кој се создава во човечкото тело при дишењето. Бремените жени издишуваат значително поголем процент на јаглероден диоксид, па токму затоа се во фокусот на комарците.

2. Спортисти

Ако се движите по улица и околу вас има многу луѓе што џогираат немојте да се изненадите што околу вас има многу комарци. Причината за тоа е млечната киселина која активно се создава во мускулите за време на вежбање, а комарците ја обожаваат.

3. Лица кои пијат алкохол

Експертите тврдат дека по внесувањето на алкохолен пијалак во организмот, одеднаш станувате значително поатрактивни за комарците од претходно. Алкохолот ја зголемува нашата телесна температура, а комарците се особено привлечени од специфичниот мирис на алкохолот.

4. Нулта крвна група

Според истражувањата, веројатноста комарец да касне лице кое има нулта крвна група изнесува 83%. Најмал ризик за каснување од комарец имаат припадниците од А крвна група.

М. С. | Црнобело