Ким Кардашијан емотивна по разводот со Канје: „Тешко е да си самохрана мајка, заспивам со плачење“

Детали

понеделник, 22 мај 2023

„Има периоди кога не си ја миете косата со денови, извалкани сте со храна и постојано ги носите истите пижами. Ништо не може да ве подготви за ова искуство“, вели Ким Кардашијан за предизвиците со кои се соочува како самохрана мајка.

По разделбата со Канје, Ким Кардашијан најмногу се грижи за нивните четири деца.

Сега, во ново интервју, таа откри дека воопшто не е лесно да се биде самохрана мајка, но истакнува дека нема поубаво нешто од мајчинството.

За People, Ким открива дека очекувала нешто сосема поразлично од мајчинството пред да стане мајка.

„Сите велат дека кога сте родител, деновите се многу долги, а годините многу кратки, и ова е многу точно. Кога сте родител, особено додека децата се бебиња и ги храните, настанува вистинско лудило. Но, тоа е прекрасен хаос.

На пример, немате поим како изгледаат моите утра. Секогаш треба да ѝ направам фризура на едната ќерка, и мора да биде совршена. Потоа, на другото дете треба да му ги облечам чевлите и постојано им требам на сите.

Тоа е потполно лудило – готвење, трчање наоколу. Затоа и вежбам наутро, само за да се подготвам за два часа лудило“.

Ким вели и дека научила многу од мајчинството.

„Можам да кажам дека благодарение на мајчинството научив многу за мене. Ова ми е најголемиот предизвик во животот. Има ноќи кога заспивам со плачење, се прашувам што се случило. Знаеш, со променливото расположение на децата, нивните карактери, а некогаш и многу се расправаат.

И, немам помош од никој. Јас треба да бидам и добра и лоша. Па, сето ова дефинитивно е предизвик. Сега учам да бидам малку построга“.

Ријалити ѕвездата вели дека ни огромното богатство не ги намалува предизвиците на мајчинството.

„Нема ништо што може да ве подготви за ова искуство. Чекате да имате одредена сума пари, чекаат да имате свој дом пред да добиете деца… Но, ништо нема да ве подготви.

Сепак, со текот на времето ќе сфатите што треба да правите. И, на крај ќе бидете горди на себе бидејќи сте го преживеале денот“.

„Има периоди кога нема да си ја измиете косата со денови, извалкани сте со храна и постојано ги носите истите пижами… Ништо не може да ве подготви за ова искуство“.

На крај, Ким додава дека и покрај тешкотиите, ништо не прави да се чувствува поисполнето од мајчинството.

Ким и Канје се венчаа во 2014-та и заедно имаат четири деца – ќерките Норт и Чикаго и синовите Сент и Псалм.

Во февруари 2021-ва Ким поднесе барање за развод, кој беше финализиран минатиот ноември.

Претходно Ким откри дека и покрај сите проблеми со Канје, не дозволува тој да биде „оцрнет“ пред нејзините деца:

„Кај мене дома, децата не знаат што се случува. Ќе ги штитам колку што можам подолго“.

Спирова С. | Црнобело