Клои Кардашијан повторно мета на критики заради лош Фотошоп: „Што ти се случило со раката?“

Детали

вторник, 07 ноември 2023

„Клои што ти е со раката и со брадата?“, „Погледнете го вратот на Крис“. Ова се само дел од негативните коментари упатени до Клои Кардашијан, која повторно добива критики заради лош Фотошоп. Ја обвинуваат дека си скратила еден дел од својата рака, но и од вратот на мајка ѝ.

Од сите сестри Кардашијан, Клои е таа што најечсто добива критики заради тоа што премногу користи филтри на фотографиите што ги објавува на социјалните мрежи, а овојпат се чини дека си избришала еден голем дел од раката.

Клои на својот Инстаграм профил објави повеќе фотографии со кои сакаше да ѝ го честита роденденот на нејзината мајка Крис Џенер.

„На најнесебичната, убава, љубезна и прекрасна мајка на планетата – среќен роденден“ – напиша Клои меѓу другото.

Таа напиша една огромна порака во која кажа дека мајка ѝ многу ѝ значи и не штедеше на пофалните зборови за неа.

„Мамо без тебе, нема да постои ништо. Ти си ми сè на светот и повеќе.

Животот нема да ми значи ништо ако те нема тебе“ – порача Клои.

Но, она што на нејзините следбеници им падна во очи е раката на Клои што се чини дека одеднаш се вдлабнува и се истенчува во пределот околу лактот.

„Нешто не е во ред со раката“;

„Мислев дека само јас гледам дека нешто не е во ред. Погледнете каква ѝ е брадата“;

„Клои што ти се случило со раката?“

„Ова е навистина чуден начин за да фотошопираш рака. Сигурно требало да забележи дека нешто не е во ред“.

Други, пак повторно коментираат за обработените лица на Клои и на Крис и се прашуваат како е возможно и двете жени да ја навредуваат интелигенцијата на нивните следбеници со обработените фотографии.

„Во што е поентата, и двете изгледаат ужасно. Погледнете го само вратот на Крис“ – стои во еден од коментарите.

Б. С. Б. | Црнобело