Џеј Ло открива: Луѓето мислеа дека животот ми е совршен, но не знаеја дека сум преплашена

Детали

петок, 31 октомври 2014

Џенифер Лопез за прв пат по долги години реши детално да го опише моментот кога сфатила дека нејзиниот брак со Марк Ентони е завршен.

Во мемоарите со наслов „True Love“, Џеј Ло ја раскажува тагата, болката и стравот кој го чувствувала кога нејзиното семејство се распаднало.

„Тоа беше еден од оние моменти во кои сте толку исплашени, што не можете ни да ставите крај. Во паника и страв ги погледнав мојата мајка и менаџерот и едвај изустив: Мислам дека веќе не можам да бидам со Марк. А, потоа се расплакав.“

Џенифер и Марк се разведоа по 7-годишнината од бракот, во кој имаа две дечиња, близнаците Ема и Макс. Нивниот брак и живот низ очите на јавноста беше совршен, но еве што таа открива:

„Оние кои нè гледаа од надвор можеа да забележат дека мојот живот беше одличен. Имав сопруг и две прекрасни деца. Бев на Американскиот Идол, а мојот сингл беше број 1. Она што луѓето не го знаеја е дека животот беше далеку од супер. Бракот ми се распаѓаше и бев преплашена.“

Во мемоарите исто така раскажува и за големиот број на претходни врски во кои била малтретирана:

„Никогаш не сум имала модрица или крвава уста, но бев во врски во кои се чувствував малтретирано на друг начин - ментално, емоционално, вербално. Знам какво е чувството кога личноста која ја сакаш ти ја гази душата,“ завршува латино дивата.