Откриено е зошто Роналдо ја остави Ирина

Детали

понеделник, 19 јануари 2015

Кој кого остави, дали Ирина - Роналдо или обратно? Дилемата која веќе со денови се дискутира изгледа конечно доби крај.

Португалски магазин, кој се верува дека има веродостојни извори, детално информираше за раскинување на Ирина Шајк и Кристијано Роналдо.

- Роналдо сакаше да ја изненади неговата мајка и со оглед на тоа дека Божиќ го помина со Ирина во Дубаи, планираше да биде со мајка му за нејзиниот роденден, но Ирина не сакаше да оди. Премногу се караа, а тој за Нова година остана со својот син. Ирина зборуваше лошо за Долорес, а Роналдо ја бранеше својата мајка. Тоа беше капката која ја прелеа чашата, затоа што последните неколку месеци се во прилично лош однос, пишува португалскиот магазин.

Причината заради која Ирина и Долорес не се во добри односи наводно е тоа што Долорес мисли дека Ирина не е доволно добра маќеа за нејзиниот внук.

- Долорес сакаше жена која ќе му биде добра мајка на Кристијано Јуниор, а мајчинството не беше приоритет во животот на Ирина, открил близок извор за магазинот.