Зошто Анџелина Џоли носи долги ракави среде лето?

Детали

вторник, 29 август 2017

За славната глумица, изгледа дека зимата трае цела година. Анџелина Џоли го помина летото со децата во Лос Анџелес, aма облечена во долги блузи, јакни, палта, мантили, па дури и џемпери.

Нетипичните „летни“ парчиња на филмската ѕвезда, предизвикаа голем интерес помеѓу луѓето, а дел од медиумите се прашуваа што навистина се крие зад таквите чудни модни избори на Џоли.

Особено во Лос Анџелес, каде летата се мошне жешки.

А, одговорот лежи во тоа дека Анџелина всушност ги крие рацете, бидејќи не сака јавноста одново да ја нападне за претераната слабост, поради која често е на удар на критиките.

Иако преубавата Анџелина беше позната по раскошните облини, после низата здравствени проблеми, како и разводот од сопругот Бред Пит, глумицата драстично ослабе, па сега има тенки раце налик на дете.

Заради слабите и ковчести раце и нозе, во весниците често можеше да се прочитаат наслови од типот на: „Анџелина Џоли ќе умре од анорексија“.

А, иако Џоли постојано се бранеше - дека таа е само природно слаба, односно дека се чувствуваа подобро од кога и да е, се чини дека ѝ здосадија таквите правдања, па пронајде добар начин, како да не се изјаснува повеќе јавно за својата килажа и изгледот.

Секоја чест за издржливоста, зар не? Во џемпер на +40 степени.

М. А. | Црнобело