„Менувам пелени и чистам повратени дамки“ - Џорџ Клуни зборува отворено за родителството

Детали

четврток, 31 август 2017

За некои луѓе, знак дека станале возрасни е тоа што научиле како да пеглаат облека и да сменат сијалица. За Џорџ Клуни, тоа е чистењето детска повраќаница.

„Постојано морам да чистам дамки од моето одело. Порано беа мои, но сега се дамки од близнаците кога малку ќе повратат.“ – објаснува 56-годишниот актер.

Тој исто така открива дека сега неговата дожност е менување пелени, што може да биде многу тешко кога имате не едно, туку 2 бебиња за кои одеднаш треба да се грижите.

„Моментално, моја обврска е менување пелени и прошетка со нив по малку. Навистина не мислев дека на 56 години ќе станам татко на близнаци. Но, не се планира. Секогаш мора да уживате и во непланираното.“ – продолжува Клуни.

А, кога станува збор за неговата прекрасна сопруга, Амал, оскаровецот признава дека таа се справува со мајчинството како вистински професионалец.

„Таа е како Олимписка атлетичарка. На неа ѝ оди одлично и со леснотија сето ова. Но, изгледа ништо не те подготвува за ова. Одеднаш, стануваш одговорен за други луѓе, што навистина може да биде застрашувачко.“ – додава новопечениот татко.

Како и да е, родителството е една прекрасна работа, а колку и да е тешко, на крајот сите успеваат да се справат со тоа, па така и овој прекрасен пар.

М. М. | Црнобело