Ѕвезди кои се доказ дека можете да изгледате стилски и по 40-тата

Детали

недела, 07 јануари 2018

Без разлика на која возраст се, жените секогаш сакаат да изгледаат средено и стилски.

Сепак, понекогаш е навистина тешко кога годините изминуваат, да успеете да изгледате 10-15 години помладо.

Но, ѕвездите секогаш успешно го прават тоа и изгледаат прекрасно дури и по 40-тата година.

Па, еве неколку трикови од модерните жени и што прават тие за да изгледаат стилски на секоја возраст:

Кејт Мос, 43 години

Таа е позната по нејзиниот спортски-шик изглед, а во нејзините комбинации, таа секогаш вметнува елементи на војничко, панк, рок, бохо и хипи стил.

Кејт е доказ дека може да изгледате кул и спектакуларно истовремено, дури и во фармерки, маички и кожни јакни и панталони.

Синди Крафорд, 51 година

Основата на нејзината вечерна гардероба се фустаните, штикли и чантички во облик на кутија. Таа секогаш ги истакнува долгите нозе, а во секојдневието преферира фармерки кои ги комбинира со обични маички и палта.

Ана Винтур, 68 години

Карактеристични за нејзиниот стил се големите очила со геометриска форма, а речиси е невозможно да ја видите во панталони. Нејзиниот избор на фустани и здолништа се сведува на миди и макси должина, а таа умешно ги комбинира различните принтови на парчињата кои ги носи истовремено.

Викторија Бекам, 43 години

Таа секогаш е во чекор со модата и ги следи жешките трендови – машки одела, палта со акцент на рамената и колоритни комбинации, како и штикли и впечатливи очила.

Гвен Стефани, 48 години

Русата коса и усните нашминкани со светла боја е главната карактеристика на пејачката, а е вистински пример дека и над 45 можете да изгледате свежо, стилски и модерно, посебно во спортски стил.

Џенифер Анистон, 48 години

Таа е доказ дека добро негуваната кожа, дискретната шминка и совршената фризура комбинирано со добар стил се клучни компоненти за модерен изглед. Изборот на облека се сведува на едноставни, како и елегантни комбинации, во зависност од пригодата.

М. М. | Црнобело