Бејби бум на повидок - Кои славни ѕвезди очекуваат нов член во семејството?

Детали

сабота, 06 јануари 2018

Изгледа дека родителската треска го има зафатено светот на славните. Многу познати ѕвезди за прв пат ќе станат родители  токму оваа година.

Само кланот Кардашијан очекуваат 3 нови бебиња. Се чини дека 2017 година била неверојатно плодна, а во 2018 овие славни парови ќе ги збогатат семејствата со уште еден нов член:

Двејн Џонсон и Лорен Хешијан

Актерот познат по прекарот „Карпата“ на 11 декември 2017 година соопшти дека неговата девојка Лорен е бремена со нивното второ дете.

Војвотката Кејт и принцот Вилијам

Третото кралско дете се очекува да пристигне на свет во април, 2018 година, откако официјално беше соопштена во септември, 2017 година.

Ева Лонгорија и Хозе Бастон

42-годината актерка е бремена со своето прво дете, а терминот за породување е некаде напролет. Ева соопшти дека носи момче.

Америка Ферера и Рајан Пирс Вилијамс

Актерката, нам најпозната по улогата во ТВ серијата „Грдата Бети“ и нејзиниот сопруг споделија со јавноста дека за прв пат ќе станат родители.

Ким Кардашијан и Канје Вест

Се чини дека премногу долго се зборува за третото дете на славниот пар кој го носи сурогат-мајка, за кое не се знае ниту полот, ниту точниот датум на пристигнување на бебето, што ја прави целата ситуација уште помистериозна.

Кајли Џенер и Тревис Скот

Иако 20-годината ѕвезда официјално никогаш не ја соопшти веста, папараците постојано го ловат нејзиното стомаче кое расте, а се шпекулира дека крајниот термин за породување е февруари, 2018 година.

Клои Кардашијан и Тристан Томпсон

Уште едно бебе се очекува да му се придружи на кланот Кардашијан. Првото бебе на Клои и НБА кошаркарот Тристан Томпсон се очекува напролет.

Криси Тајген и Џон Леџенд

„Што има во стомакот?“ ја запраша Криси својата ќеркичка Луна во популарното видео на Инстаграм. „Бебе“. И со овие зборови светот дозна за втората бременост на славниот пар.

Робин Тик и Ејприл Лав 

Првото бебе на пејачот и манекенката се очекува да пристигне на 1 март, 2018 година. Тик ја соопшти веста некаде во август, веднаш откако го финализираше разводот со поранешната сопруга Пола Патон и се договорија за старателството над синот Џулијан.

Енди Родик и Бруклин Декер

Во јули 2017 година, тенисерот ја потврди веста дека со својата сопруга го очекуваат второто дете, кое е девојченце. Медиумите почнаа со шпекулациите дека наводно Бриклин веќе се породила, но сè уште ништо не е официјално потврдено.

Кендис Сванапул и Херман Николи

Ангелот на Викторија Сикрет потврди дека го очекува своето второ дете со долгогодишната љубов Херман.

Адам Левин и Беати Принслу

Пејачот на бендот Maroon 5 во септември 2017 год., соопшти дека го очекува своето второ дете јужноафриканскиот модел, но не го прецизираше датумот ниту полот на бебето.

Миранда Кер и Еван Шпигел

Миранда ќе стане мајка по втор пат, но овојпат со новиот сопруг Еван Шпигел. Таа веќе го има синот Флин од претходниот брак со Орландо Блум.

(О)Милена | Црнобело