Едно кралско правило кое Меган Маркл ќе го прекрши на свадбата и едно кое прифати да го следи постојано

Детали

вторник, 30 јануари 2018

Таа прифати секогаш да оди позади принцот Хари и да му дозволува прв да говори, но на свадбата сака да држи говор, иако традицијата е поинаква.

Меган Маркл веќе е позната по кршењето на кралските традиции. Според магазинот Times таа на свадбената церемонија ќе прекрши уште едно кралско правило со тоа што ќе одржи говор.

Во Велика Британија, традиционално, младоженецот, таткото на невестата и кумот држат говор. Не е практика невестата да го прави тоа, иако се случува од време навреме.

Но, поранешната актерка одлучила дека на церемонијата на 19-ти мај ќе му посвети емотивен говор на принцот Хари и ќе ѝ оддаде почит на кралицата и нејзиното семејство.

Таткото на Маркл, Томас, е таинствен околу причината зошто нема да држи говор, но тој без разлика на тоа ќе ја испрати ќерка си до олтарот.

Иако, Меган е новото лице кое донесе море промени во кралското семејство, сепак некои правила едноставно мора да ги почитува.

Кралицата Елизабета неодамна од неа побарала секогаш да му дозволува на Хари да зборува прв и да не оди пред него.

Објаснувањето за ова е дека никој не сака принц во сенка и Меган со своето однесување треба да придонесе Хари да биде во фокусот на вниманието, а не во втор план. Според фотографиите од настаните Маркл дефинитивно го почитува тоа.

С. С. | Црнобело