Бодибилдерката Мери Акиевска ѝ донесе светско злато на Македонија: „Четирипати ечеше химната, плачев од среќа“
- Детали
- понеделник, 08 ноември 2021
Со четири титули и златни медали, Мери Акиевска се враќа како апсолутен победник од Санта Сузана, Шпанија, каде учествуваше на 75-тото светско првенство во бодибилдинг и фитнес.
Мери Акиевска (22) од Крива Паланка учествуваше на Светското првенство во бодибилдинг и фитнес што се одржа во периодот од 3-8 ноември во Санта Сузана, Шпанија.
Нејзиниот тренер Бобан Ѓороски на Инстаграм сподели повеќе објави за успесите на Мери, во кои напомена дека на натпреварот учествувале 102 држави од целиот свет и повеќе од 1500 натпреварувачи.
„Во силна конкуренција, Мери Акиевска постигна неверојатен успех, победувајќи во својата категорија до 163 cm висина кај јуниорите и сениорите, но успеа да стане и апсолутен победник и во двете категории, победувајќи ги шампионите од другите висински категории“ – напиша Ѓороски.
Мери сподели повеќе фотографии на социјалните мрежи и напиша емотивен текст:
„Чувството не може да се опише. Четирипати ечеше химната на Македонија. Четирипати капеа солзи од среќа. Македонија го освои Светското злато Јуниорска, Сениорска Категорија со две Апсолутни во двете категории.
Луѓенца пресреќна сум, Ви благодарам на целосната поддршка и што бевте покрај мене… Сега можам да одморам и да си каснам и јас малку вкусна храна, годинава ја завршивме со многу златни титули благодарност на мојот тренер@gjoroski најпривин покрај него бев најдобар ученик и Шампион“.
Мери Акиевска по потекло е од Крива Паланка, а со бодибилдинг почнала да се занимава од 2017-та година.
Истата година таа го имала првото натпреварување на европско ниво во Унгарија од каде се вратила со освоено трето место во категоријата бикини.
Во 2019-та година го освои Купот на Македонија во категоријата Wellness јуниори.
Во продолжение погледнете повеќе нејзини фотографии:
https://www.instagram.com/p/CV03W9osxDB/?utm_source=ig_web_copy_link
https://www.instagram.com/p/CVLzEbGMLC2/?utm_source=ig_web_copy_link
https://www.instagram.com/p/CU7-NmKsjhH/?utm_source=ig_web_copy_link
https://www.instagram.com/p/CS4TqkOM26I/?utm_source=ig_web_copy_link
https://www.instagram.com/p/CSy7QcTswQa/?utm_source=ig_web_copy_link
https://www.instagram.com/p/CShmwlmMPBF/?utm_source=ig_web_copy_link
https://www.instagram.com/p/CLceJgGrXYO/?utm_source=ig_web_copy_link
https://www.instagram.com/p/CSRoGLeMYnG/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
