Заштитнички го држи на градите - Први фотки на Рафаел Надал со 3-месечниот син

Детали

петок, 06 јануари 2023

Рафаел Надал беше фотографиран како го шета 3-месечниот син Рафаел Џуниор, заедно со сопругата Марија Перељо низ Сиднеј. Тенисерот заштитнички го држи бебето на градите додека се на прошетка низ Сиднеј.

Надал додека одмараше од подготовките за Australian Open, излезе на прошетка со сопругата Марија Циска Перељо и 3-месечниот син, а папараци фотографите го фотографираа тенисерот како заштитнички го носи бебето на градите додека се качуваат на луксузна јахта на пристаништето.

Надал и Марија го добија синот во октомври минатата година, а неодамна тој говореше за влијанието што раѓањето на неговото прво дете го имало врз неговата кариера:

„На првиот турнир заминав без него и загубив уште во првата рунда. На вториот турнир, патував со бебето, па бев исфрлен во групната фаза. На крајот победив на последниот натпревар, но сметам дека треба да продолжам да се подобрувам“ – вели Рафаел.

Тенисерот рече дека имаат помош во одгледувањето на детето, но дека им е потребна подобра организација и да се привикнат на промените во животот.

Погледнете повеќе фотографии од Рафаел со синот во продолжение:

Б. С. Б. | Црнобело