Вирално видео: Новинар помеша случаен минувач со финскиот претставник на Евровизија - му направи цело интервју

Детали

четврток, 11 мај 2023

„Кој би можел да помисли дека по настапот Карија само ќе се шета на улица?“ – стои во еден од коментарите на Твитер за видеото на BBC во кое случаен минувач го помешаа со претставникот на Финска на Евровизија, а му побараа и изјава.

Во изминативе денови светот го зафати евровизиска треска, а возбудата е најголема низ улиците на градот домаќин - Ливерпул.

Меѓу највпечатливите учесници во првата полуфинална вечер, што се одржа во вторникот (09.05), беше претставникот на Финска, Карија, кој ја пееше „Cha Cha Cha“.

Настапот на Карија кој симулира секс на сцената предизвика осуда на социјалните мрежи, но низ улиците на Ливерпул имаше голем број негови фанови кои дојдоа за да му дадат поддршка.

Така, на реномираната телевизија BBC за време на првата полуфинална вечер беше емитуван прилог во рамки на кој беше направена улична анкета со случајни минувачи низ Ливерпул, кои требаше да одговорат на прашањето кој им е фаворит на годинешната Евровизија.

Not the news thinking a fan on the street was THE Käärijä 🤣😭🤣😭 pic.twitter.com/wJJSru0j19

— Life After Liverpool 2O23 (@AfterLiverpool) May 9, 2023

Во еден миг се појави случаен минувач кој не ја крие својата поддршка за финскиот претставник, па дури одлучил да облече ист костум како Карија, со што ја збуни новинарската екипа, па тие помислија дека се работи за Финецот кој настапува на Евровизија.

„Дури успеавме да ја уловиме и главната ѕвезда“ – вели новинарката во видеото, а во телопот оди натписот „Карија – Финскиот претставник на Евровизија“

Новинарите на двојникот на Карија му поставија прашање каков е Ливерпул како домаќин, на што тој одговори:

„Неверојатен. Во споредба со сите други земји каде што сум бил, овде сè е подобро организирано. Сè е во близина и секаде може да се стигне пеш и луѓето се пријателски настроени. Овде сè е лесно. Тоа е неверојатно“.

Но, оние што го погледнаа прилогот веднаш сфатија дека од BBC направиле грешка, па на Твитер има низа коментари за ненамерниот пропуст:

„Не е можно. BBC мислеа дека разговараат со вистинскиот Карија, а всушност разговараа со фан“.

Noooooooo BBC North West thought they were speaking to Käärijä but it was a fan cosplaying nnnnn 😭😭

— nathan (@nathanspears_) May 9, 2023

„Мислев дека видов човек што многу наликува на Карија, но изгледа многу луѓе носат таков костим“.

I thought I saw the Käärijä lookalike last night but it turns out that there are MANY people who are wearing this at the moment.

— Scott Bryan (@scottygb) May 10, 2023

„Го сретнав синоќа дечкото и му кажав за видеото на BBC, тој не знаеше каква грешка направиле“.

https://twitter.com/millieeowen/status/1656244333526302720

„Кој би можел да помисли дека по настап (изведувачот) само ќе се шета низ улиците?“

Who really thought he'd just be walking around the streets 💀

— bex ☀️ (@Metakarp) May 9, 2023

Б. С. Б. | Црнобело