Застрашувачко видео: Што може да се случи ако ги пуштате децата да пливаат со мускули?

Детали

вторник, 25 јули 2023

„Зошто никој повозрасен не застанал да внимава?“ – стои во еден од коментарите на видео што мајка го сподели како предупредување за родителите што ги пуштаат децата да пливаат сами со мускули. Зошто не треба премногу да им верувате на реквизитите за пливање?

Мајка сподели видео на својот Инстаграм профил за да покаже дека не треба премногу да бидеме сигурни во реквизитите за пливање што им ги купуваме на нашите деца.

Катја Илери била на одмор во Чешме, Турција и го сподели видеото кое е вистински кошмар за сите родители со мали деца.

„Еве што се случуваше на денешниот ден од одморот“ – напиша таа.

Членовите на нејзиното семејство скокале од брод во морските води, а малото девојче сакало да им се придружи. Во видеото се гледа како таткото му става мускули на девојчето на рацете, го бакнува и го фрла во вода.

Но, наместо да ја задржат на површината, мускулите се лизгаат од рацете на девојчето и тоа потонува.

На крајот на видеото се гледаат само мускулите како пловат над површината, а девојчето го нема никаде.

Коментарите од следбениците на Катја кои го погледнале видеото се најразлични. Додека некои коментираат дека дизајнот на мускулите е сѐ полош со текот на времето, други ги обвинуваат родителите зошто дозволиле девојчето да скокне во водата без надзор.

„Добро, ако сакавте да го пробате ова, зошто никој повозрасен не застанал да внимава. Зошто?“;

„Да ме фрлеше мене некој така, ќе умрев од страв. Девојчево е многу храбро“;

„Дали е добро девојчето?“ – стои во дел од коментарите.

Погледнете го видеото:

https://www.instagram.com/p/CuuwmrJrWd0/

Што мислите вие? Дали родителите згрешиле што се осмелиле на таков начин да го фрлат девојчето во вода?

Б. С. Б. | Црнобело