„Немам предни заби, но не се срамам да ја покажам насмевката – сакам да ги инспирирам жените“
- Детали
- среда, 03 јануари 2024
Мејкап артистка од Канада ги изгубила предните заби на горната вилица во велосипедска несреќа. Но, наместо да се крие, таа објавува видеа со трансформации со шминка и сака да им покаже на жените дека можат да изгледаат убаво, без разлика на нивните недостатоци.
Без сомнение, забите се карактеристика што ја забележуваме најпрво кај другите луѓе, дури и несвесно. Поради ова, изгледот на забите има огромно влијание врз самодовербата.
Сепак, не секој има холивудска насмевка, а некои, од разни причини, дури и ги губат забите.
Сара Андрес од Канада е 36-годишна мејкап артистка која ги изгубиле предните два заба на горната вилица во велосипедска несреќа.
Иако таа сега има вештачки заби, на нејзините Инстаграм видеа неретко покажува и како изгледа без нив.
Сара најчесто објавува трансформации со шминка, а пред да го открие крајниот резултат, го покажува нејзиниот природен изглед, без заби.
Честопати се соочува со критики, но Сара вели дека целта ѝ е да им ја врати самодовербата на жените кои немаат совршена насмевка.
„Почнав да се интересирам за шминка кога бев околу 25 години. Со часови гледав Јутјуб видеа и вежбав и уште учам. Онлајн добивам многу позитивни коментари, што е одлично. Има и лоши коментари, но не им обрнувам многу внимание бидејќи секогаш има повеќе љубов од омраза.
Видеата се забавни за правење – сакам да бидам креативна со шминката. Ги објавувам онлајн бидејќи сакам да правам видеа со шминкање, па сметам дека во нив ќе уживаат и други жени.
Ако можам да направам која било жена да се чувствува подобро за себе, тоа е бонус. Само сакам жените да бидат свесни дека се убави, без разлика за недостатоците кои сметаат дека ги имаат“, открива Сара.
Оние кои ја критикуваат сметаат дека со шминката и вештачките заби, Сара лаже за својот изглед.
Но, повеќето имаат само комплименти за нејзината храброст, ја гледаат како инспирација, а некои и ја споредуваат со Мараја Кери кога ќе се нашминка.
Дел од трансформациите на Сара:
Продолжува на следната страница...
Би можело да ве интересира:
Препорачуваме
Најчитани неделава
