Ја плаќаат за да јаде 3 пици, 4 дупли хамбургери, помфрит и сладолед во еден оброк

Детали

вторник, 14 април 2015

Кетлин тврди дека ужива во својата работа, но факт е дека води необичен и прилично нездрав живот.

Таа за еден оброк може да изеде 3 пици, 4 дупли хамбургери, многу помфрит и сладолед за десерт.

За личниот развој и необичната кариера Кетлин ѝ е благодарна на својата мајка.

- Мојата ќерка е прекрасна млада жена. Покрај online работата, Кетлин е плус сајз модел, а нејзините прекрасни фотографии секогаш ми изнудуваат насмевка. Таа има сè - прекрасни гради, стомак, задник, едноставно е убава, вели Дороти, нејзината мајка.

Кетлин не секогаш била среќна за тоа како изгледа. Како помала врсниците постојано ја задевале за изгледот и килограмите, па затоа честопати останувала дома наместо да оди на училиште.

- Сега заработувам од моето тело. Луѓето преку интернет бараат да јадам пица и компири додека ме гледаат на камера, а некои мажи уживаат додека им го покажувам целулитот кој го имам како резултат на сите тие пици и хамбургери. За возврат добивам пари кои ми ги плаќаат директно на сметка, вели Кетлин.

Заради изборот на кариерата се плашела од мислењето и поддршката од родителите, но денес нејзината мајка ѝ е најголема обожавателка.

- Затоа што точно знам што се прашувате кога ќе ме погледнете, сакам да ви порачам да не се грижите како мојата килажа влијае на моето здравје. Редовно го посетувам мојот лекар и одам на контроли кои покажуваат дека здравјето ми е одлично. Не велам дека е здраво еден оброк да вклучува толку пици и хамбургери, но ако тоа ме прави среќна, тогаш е во ред, вели Кетлин.