Пилот со добро срце - Го свртел авионот за баба и дедо за последен пат да го видат внукот

Детали

петок, 15 април 2016

Приказната за еден пилот со добро срце кој помогнал на едно семејство, вртејќи го авионот назад кон дестинацијата од која тргнале, стана вирална сензација.

Неименувана двојка од Манчестер, тргнале на пат за Абу Даби кога добиле порака дека нивниот внук е на интензивна нега.

Пилотот откако ги слушнал тажните вести дека нивниот внук набрзо ќе почине, го свртел авионот и ги вратил назад во Манчестер за да можат да се збогуваат.

Беки Стивенсон, патничкиот агент на двојката, вели: „Никогаш во моето 25-годишно работење не сум слушнала вакво нешто да се случи“.

Била благодарна на пилотот од „Etihad Airways“ затоа што помогнал на парот: „Моите клиенти беа пресреќни што пилотот одлучи да ги врати назад“.

Авионот тргнал назад за Абу Даби веднаш откако двојката била вратена во Манчестер.

Н. Г. | Црнобело