Џо Бајден во одело и спортски патики, Џил ги соблече штиклите за на плажа – ретко ги гледаме во неформално издание (фото)

Детали

петок, 11 јуни 2021

Политичарите вообичаено ги гледаме во формално издание, со затворени чевли и формален стил на облекување. Затоа чудно изгледаат фотографиите и видеата на кои претседателот на САД и неговата сопруга можеме да ги видиме во неформално и опуштено издание – со спортски патики и боси на плажа.

Претседателот на САД, Џо Бајден беше снимен како во патики ужива на терасата во хотелот каде се одржува самитот Г-7, придружуван од сопругата.

A first in my career. @POTUS comes and sits down at table in a bar next to me and orders a drink. Am trying to act nonchalant #G7 pic.twitter.com/XQecXWIfJL

— Jon Sopel (@jonsopel) June 10, 2021

Претходно, првата дама на САД, Џил Бајден беше фотографирана боса на плажа заедно со Кери, сопругата на британскиот премиер Борис Џонсон.

Дамите беа заедно со 1-годишниот син на Кери и Борис, Вилфред, а очигледно биле подготвени за ваквата игра затоа што во непосредна близина можеме да видиме дека ги оставиле и апостолките.

Претходно дамите беа фотографирани во истите аутфити со штикли на плажата во Корнвел каде ги придружуваа нивните сопрузи на прошетка пред самитот Г-7. Двајцата политичари ги држеа своите поубави половини за рака.

Претседателот на САД даде интересна изјава за медиумите и посочи:

„Му реков на премиерот дека имаме нешто заедничко. И двајцата се оженивме за жени што се од повисока класа од нас“ – рече Бајден, а Борис беше согласен со таквата изјава.

Инаку, британскиот премиер се ожени со сопругата Кери неодамна, во неформална и затворена церемонија. Интересно е што и за време на венчавката Кери беше боса и во венчаница во бохо стил.

Во продолжение повеќе фотографии од Џо и Џил Бајден во неформално издание:

Б. С. Б. | Црнобело