„Имам 53 години и танцувам на шипка – никогаш не сум се чувствувала посреќно, иако ме осудуваат“
- Детали
- сабота, 16 септември 2023
53-годишната Кери е професионална танчарка на шипка. Додека многумина сметаат дека ова е несоодветна професија за жена на нејзина возраст, таа вели дека токму оваа професија ѝ помогнала да се чувствува убаво во своја кожа. Во минатото имала нарушувања во исхраната бидејќи сите ѝ велеле дека е премногу дебела за да танцува, но истакнува дека сега конечно го живее својот сон.
Кери Бурнет, попозната под уметничкото име Кери Голд, има 53 години и има професија која за многумина е несвојствена за нејзината возраст.
Таа танцува на шипка, а вели дека нејзиниот живот почнал во 50-тите години од животот, односно кога почнала да ѝ се посветува на професијата.
Кери вели и дека никогаш не била во подобра форма, а танцувањето на шипка ѝ помогнало да ги надмине нарушувањата во исхраната што ги имала уште од младоста.
Таа има Инстаграм профил со над 13.000 следбеници, каде што споделува фотки и видеа од нејзините настапи.
Кери се заинтересирала за танцувањето на шипка додека одела во теретана каде што имало часови. Оттогаш се усовршила, па сега покрај што танцува, и самата е инструкторка.
„На 47-годишна возраст направив листа со работи што сакам да ги пробам, а отсекогаш сум сакала да научам да танцувам на шипка. Но, бев загрижена дека сум премногу стара.
Сепак, тоа беше првпат да се почувствувам добро одвнатре и однадвор. Сметам дека судбината ме однесе на овој пат не само да го излекувам моето тело (од нарушувањето во исхраната), туку и да се ослободам од целата негативност“.
Како што Кери станувала подобра танчарка, почнала и да настапува, а некогаш во настапите вметнува и стриптиз.
„На почетокот сакав да отидам само на еден час. Но, часот беше вистинско освежување и никој не ми судеше. Имаше жени со различна големина, па останав. И сега, на 53-годишна возраст, јас сум посилна од кога било.
Почнав и да настапувам, нешто што мислев дека никогаш нема да се случи кога почнав да одам на часови по танцување на шипка. Но, сега ова е мојата кариера и ми овозможува да патувам низ светот“.
Кери вели дека во младоста секогаш ѝ велеле дека е премногу дебела за да биде каква било танчарка. Ова, пак, ја натерало постојано да се грижи за тежината и да развие нарушување во исхраната.
„Отсекогаш ми било сон да бидам професионална танчарка, но ми велеа за да успеам ќе треба да ја јадам само зелка и да пијам само вода.
Се обидов со ова, но се изгладнував, па потоа се прејадував. Постојано мислев на тежината, сите ми зборуваа за тоа и сето ова имаше големо влијание врз мене“.
„Не знаев како да останам слаба освен да повраќам – тогаш се чувствував многу осамено.
Но, еден ден поминував покрај теретана и видов прекрасни жени со мускули и навистина им се восхитував. Беа толку самоуверени и го посакав истото за мене.
Па, почнав да одам во теретана и за првпат почнав да се чувствувам добро во своја кожа“.
Кери вели дека сега држи часови за почетници и сака да им помогне на жените да се чувствуваат убаво во свето тело, без разлика како изгледаат и без разлика на нивната возраст.
„Танцувањето на шипка е најтешкото нешто што го имам направено. Имам денови кога одморам, но во текот на целата недела или вежбам танцување или одам во теретана – на овој начин се справувам со моите демони“, додава Кери.
Продолжува на следната страница...
Би можело да ве интересира:
Препорачуваме
Најчитани неделава
