Крај за Google+ ?

Како што почнало така може и да заврши. Компанијата Google баш нема среќа. Се обидуваат да создадат социјална мрежа која рамноправно ќе се...

...бори со останатите мрежи, но изгледа баш не им оди, а толку многу се очекуваше од Google +.

Социјалната мрежа која имаше огромен раст на корисници, доживеа голем удар, изгуби околу 60% од своите активни корисници.

Во почетокот на Google+ можевте да пристапите само со покана. Кога официјално се отвори за сите корисници кон крајот на септември доживеа огромен раст, но набргу се виде дека корисниците доаѓаат само да фрлат поглед како изгледа новата мрежа и не се задржуваат, туку ги занемаруваат своите профили.

Еден од инженерите на Google, Стив Јег вели дека луѓето кои што го создавале Google+ не размислувале за иднината и погрешно претпоставувале дека Facebook е успешен затоа што е добар производ.

- Тие не се успешни поради тоа, туку затоа што создале социјална мрежа која им дозволува на корисниците самите да креираат начин на употреба кој најмногу им одговара. Така што некој ќе дојде да игра Farmville, а некој само за да разговара со другите луѓе – истакнал Стив.

Оваа негова преписка објавена е пред сè како интерен разговор со колегите, но на крајот стигнала и до јавноста.