Ако сонувате дека летате со авион: ризикот ќе ви се исплати.

Што значи да сонувате авион?

Соновите за авиони спаѓаат во петте најчести сонови. Може да имаат различни значења, а најчесто означуваат недостаток на грижа, промена на подобро во животот, потреба за совет од повозрасни и поискусни и слично. Од оваа причина на авионите им посветивме детален и долг преглед кој го расчленивме на подзначења.

Ако видите авион на земја на сон

Кога на сон ќе видите авион, тоа значи дека ќе ви се случи промена на подобро. Можеби се надевате на патување во странство каде би сакале да живеете и да работите. Наскоро ќе добиете зелено светло и ќе почнете да ги средувате документите и да ги пакувате куферите. Ќе бидете многу возбудени бидејќи се работи за земја во која сте мечтаеле да одите. Првично, работата нема да биде во склад со образованието, но со текот на времето ќе напредувате.

Ако видите авион во лет

Кога сонувате авион во лет, тоа означува дека вашите грижи ќе исчезнат. Во наредните месец дена ќе ги решите сите проблеми кои се таложеле низ годините. Ќе ви се смачи од јадосување и жалење над сопствената судбина, па ќе сторите нешто да го промените тоа. Ако сте во врска со некој кој не ве прави среќни,веројатно ќе се изјасните и прекинете тоа измачување. Себеси ќе си посакате добро и ќе почнете да работите на остварување на целите.

Ако сонувате дека летате со патнички авион

Кога летате со авион тоа значи дека ризикот ќе ви се исплати. Ќе вложите време и пари во нешто што, наизглед, ќе делува бесмислено. Единствено ќе ве одржува вербата во успех. Нема да ја добиете поддршката од родителите и пријателите кои ќе ви предвидат неуспех. После одредено време, ќе можете да ги погледнете со исправена глава и да им префрлите дека сте успеале покрај сите нивни несфаќања и омаловажувања.

Ако сонувате дека сте задоцниле или пропуштиле авион

Ако на сон задоцните или пропуштите авион, овој сон означува дека сте педантна личност, но и дека претерано се грижите за секојдневните проблеми кои ве опкружуваат. Нештата не се онолку значајни како што изгледаат, па би требало да се опуштите.

Ако сонувате дека излегувате од авион

Кога сонувате дека излегувате од авион тоа е предупредување да се чувате од незгоди. Во последно време сте немарни и често запаѓате во проблеми. Можно е да се чувствувате изгубено и не наоѓате начин да и го соопштите тоа на околината која очекува да донесете важна одлука. Би сакале уште малку да го одложите суровиот процес на растење и влезот во светот на одговорните луѓе. Тоа може да ве доведе во неволја, па многу ќе ве советуваат да се вработите или да заминете во војска за да имате некаква обврска во животот.

Ако гледате како други излегуваат од авион

Кога сонувате дека други скокаат или паѓаат од авион, тоа значи дека ќе се откажетеод нешто што долго време сте го посакувале. Можеби се работи за врска во која сте вложувале само вие и сте сакале да успее. Ќе ја сфатите безнадежноста на ситуацијата и ќе ја пуштите саканата личност да се бори за вас или да си оди. Ќе се зачудите колку оваа одлука може да ви донесе олеснување и помирен сон. Можеби поранешниот партнер ќе сака да се врати, но вие ќе сфатите дека ви е подобро без него.

Ако сонувате дека сте испаднале од авион или дека паѓате

Кога на сон паѓате од авион, тоа имплицира дека ќе имате корист од некого кој не ви влевал доверба. Вам ви се случуваат нешта кога најмалку се надевате или кога во потполност ќе се откажете од нив. Најверојатно и овојпат ќе кренете раце од работата или од љубовната врска кога ќе добиете понуда од некого кој на прв поглед ви изгледал несериозен. Со оглед на тоа дека немате друг избор, ќе ја прифатите со минимални очекувања. Ќе се изненадите дека првиот впечаток може да биде погрешен.

Ако сонувате дека се возите во воен авион

Ако летате со воен авион на сон, вие сте бестрашна личност на јаве. Не се плашите да прифатите ризик и скоро секогаш ризикот ви се исплати. Сепак, вашите блиски се грижат за вас бидејќи порано или подоцна некој ризик ќе биде непотребно преземен.

Ако сонувате дека сте заспале во авион

Ако сонувате дека сте заспале во авион тоа значи дека ви претстојат безгрижни денови што се однесува до здравјето и финансиите.

Ако сонувате како гледате или зборувате со капетанот на авионот

Ако разговарате на сон со капетан на авион тоа значи дека во реалноста треба да се посоветувате со семејството за некој проблем, а ништо да не направите на своја рака.

Ако сонувате стјуардеса или стјуард

Сон во кој гледате или разговарате со стјуардеса или стјуард значи прилика за романтични средби на јаве, и тоа со личноста која долго време ви се допаѓа.

Ако сонувате дека авионот во кој се наоѓате паѓа

Овој сон значи дека имате стравови поврзани со врската во која сте или недостаток на врска со некого. Можно е да се чувствувате осамени. Би требало повеќе да се дружите со пријателите, семејството или да запознаете нови луѓе.

Ако управувате или возите авион

Сон во кој вие го возите авионот значи дека треба да преземете во свои раце некаква ситуација која се одвива во вашиот живот или во вашето семејство. Сите се неодлучни како да ја решат иако ситуацијата е лесно решлива. Вие треба да го пресечете Гордиевиот јазол. Алтернативно, ова може да значи дека ви претстои период во кој ќе преземете ситуацијата над својата судбина и животот.

Ако сонувате срушен или уништен авион или авионска несреќа

Ако на сон видите срушен или уништен авион пред долго време, тоа значи дека во далечна иднина ќе искусите проблем поради нешто што сте сториле оваа година. Ако пак видите авион кој самошто паднал, тоа значи дека проблемот ќе дојде на наплата многу порано.

Ако сонувате аеродром и повеќе авиони

Ако сонувате аеродром и повеќе авиони ви претстои кратко патување на јаве.  Можеби ќе посетите роднина која не сте ја виделе долго време. Исто така можно е дека ќе очекувате гости или дека на гости ќе дојде роднина што ќе престојува кај вас подолго време. Значењето на сонот може да биде поедноставно. Ако во скоро време сте патувале со авион или виделе на телевизија или во живо, сигурно ви оставило впечаток па сте го сонувале.

Дефиниција за авион

Авион е машина за летање која е потешка од воздухот, а пловност се добива со притисокот на воздухот на крилата.