„Ми вети и ме излажа“ - Поучна приказна за богат маж и бездомник што ќе ве замисли

Богатиот бизнисмен влегол дома, но имал голем број пораки и мејлови на кои веднаш требало да одговори. Се занел во работата и целосно заборавил на ветувањето што му го дал на бездомникот пред неговата врата. Не ни помислил колкава штета може да нанесе со празното ветување што го дал...

Колку пати ви се случило да дадете ветување и да не го исполните? Оваа поучна приказна треба да ве научи како влијаат вашите празни ветувања врз другите луѓе и зошто треба да внимавате кому и што му ветувате.

Прочитајте ја поучната приказна:

„Една студена зимска ноќ еден богат човек сретнал бездомник како седи на улицата пред неговата куќа, па го прашал:

- Зарем не ти студи да седиш надвор без јакна?

Бездомникот го погледнал и му одговорил:

- Немам јакна и навикнат сум да немам... – на што богатиот човек му рекол да го почека затоа што ќе оди до дома и ќе му донесе некоја од многуте јакни што ги има во гардероберот, за да не му студи.

Бездомникот се прерадувал на ова ветување и му рекол на богатиот сопственик, на куќата пред која седел, дека нема да мрдне од местото и ќе чека.

Богатиот бизнисмен влегол дома, но имал голем број пораки и мејлови на кои веднаш требало да одговори. Се занел во работата и целосно заборавил на бездомникот пред неговата врата.

Утрото кога станал од спиење, се сетил на сиромавиот човек и веднаш истрчал надвор да види што се случило со него.

За жал, сиромавиот бездомник бил мртов и премрзнат од студот, а во раката држел ливче на која била напишана пораката:

‘Кога немав топла облека, се борев со студот затоа што знаев дека немам друг избор. Но, кога ти ми вети и ме излажа дека ќе ми помогнеш, јас ти поверував и заборавив дека треба да се борам сам...’

Поуката од оваа приказна е дека е најдобро да не давате ветувања што нема да можете да ги исполните.

Можеби тоа ветување вам нема да ви значи ништо, но на тој што му ветувате може да му значи многу.

Нема потреба некому да му давате лажна надеж дека ќе му помогнете, ако вистински немате намера да го сторите тоа.

Извор