220 снимени песни, дипломиран економист - Факти за најголемиот музички великан на екс-ЈУ просторите, Здравко Чолиќ
Здравко Чолиќ, познат под прекарот Чола со сигурност претставува една од најголемите sвезди на поранешна Југославија.
фото: oslobodjenje.ba / Инстаграм
Навистина, ретки се оние коишто никогаш не „зашизиле“ на безвременските „Пусти, пусти моду“ и во хор не ги запеале легендарните балади: „Као моја мати“, „Ти си ми у крви“, „Еј драга, драга“...
Тој е човекот кој не залудно го нарекуваат „музикалност во движење“.
Чола е пејач кој непрекинато ја маѓепува публиката со својот маестрален глас, како и со неговата уникатна појава која во најмала рака не може да биде ископирана.
Неговите многубројни песни го пронаоѓаат патот до слушателите од најразлични генерации и веќе со децении докажуваат дека квалитетот и автентичноста траат вечно.
Во продолжение ви издвојуваме повеќе факти за животот и музичкото творештво на овој неповторлив маестро:
1. Здравко Чолиќ е роден на 30 мај, 1951 година во Сараево
Тој израснал во скромно семејство каде неговиот татко бил полицаец, додека неговата мајка била домаќинка.
Во раното детство Чола го обожавал спортот, бил голман и се занимавал со атлетика, каде на еден натпревар го освоил второто место.
Исто така тој имал големи афинитети кон глумата, што ни дава кристална слика зошто неговите спотови се едни од најквалитетните на овие простори.
2. Музиката за него била само хоби
Верувале или не, овој легендарен музичар воопшто не замислувал дека токму музиката ќе биде неговата животна преокупација. Во младоста тој на неа гледал како едно обично хоби.
Чола свирел гитара на собири со неговите пријатели, но сѐ што изведувал било чисто „за негови уши“.
На инсистирање на еден негов пријател, тој се пријавил на локален конкурс за пејачи-аматери во Бијела, каде што ја извел песната Lady Madonna од Битлси и го освоил второто место.
Токму овој успех го охрабрил да продолжи поактивно да се занимава со музиката.
3. Бил член во повеќе бендови
Пред да застане на свои нозе и да ја започне самостојната кариера, Чола имал повеќе обиди да се пронајде себеси во различни бендови.
Прво се приклучил на групата „Млади и љепи“, а потоа во 1969 година во бендот „Амбасадори“. Таму го запознава влијателниот Корнелије Ковач и всушност оттука започнува неговиот пат кон славата.
По неуспешните обиди во групата „Корни“, Чолиќ настапува на музички фестивал во Сараево, каде освојува трета награда.
4. Настапи на Евровизија со песната „Гори ватра“
Откако практично почнува да се протнува во светот на јавноста, Чола во 1973 година со песната „Гори ватра“ ја претставува Југославија на Евровизија.
Потписник на ова маестрално музичко парче е извонредниот Кемал Монтено.
Иако на самиот евровизиски натпревар песната не се здобила со висок пласман, истата станала голем хит во Југославија.
5. Чола ги прекратил почетоците на својата светска кариера
Откако ја започнал својата соло-кариера, тој потпишал договор со германската музичка куќа WEA и за странскиот пазар снимил два сингла.
Но, за брзо време Чолиќ решил на овие рани почетоци да стави точка, бидејќи во никој случај не се пронаоѓал себеси со животот во Германија.
Продолжува на следната страна...
Би можело да ве интересира:
Препорачуваме
Најчитани неделава
