Девојка со уникатно хоби - создава ремек-дела од домашен месен леб (фото)
Хана Пејџ од Северна Каролина, САД, пред 8 години првпат замесила леб по рецепт што го нашла на интернет. Тестото го украсила со неколку различни зеленчуци, го испекла и се воодушевила од неговиот шарен изглед. Денес, тоа е прераснато во хоби и пасија, па создава неверојатни ремек-дела од леб.
Хана Пејџ, која е учителка во средно училиште, пред 8 години првпат самата замесила леб и откако го украсила со различни зеленчуци, самата се воодушевила од својот дизајн.
Неколку дена откако го испекла својот прв домашен леб, таа замесила нов и направила поинаков украс за тестото.
Брзо потоа Хана отворила нов профил на Инстаграм, наречен „Blondie + Rye“, на кој оттогаш ги објавува сликите од уникатните дизајни на лебовите.
Со своите слики за кратко време почнала да го привлекува вниманието на луѓето низ светот, па денес има преку 228.000 следбеници на оваа социјална мрежа.
Хана често објавува слики од своите домашни лебови за кои многумина велат дека се вистински ремек-дела.
Таа признава дека експериментирала со различни типови тесто, но дека најмногу ѝ одговара т.н кисело тесто, кое е пуфкасто, расте брзо и најдобро се вклопува со додатоците што таа ги користи.
Во продолжение некои од уникатните лебови на Хана Пејџ.
А. Ј. | Црнобело
Би можело да ве интересира:
Препорачуваме
Најчитани неделава
