Германците креираа реклама која ја слушате и додека спиете (видео)

Германската телевизија Скај, разви технологија која може да пренесува звук преку прозорско стакло во возот и тивко до главата на патниците.

Патниците кои ќе ја потпрат главата на прозорот ќе ја „слушнат“ рекламата која доаѓа од нивната „сопствена глава“.

Овој концепт се заснова на идејата дека коските од главата делуваат како проводници. На ист принцип се користат и помагалата за подобар слух, слушалките и очилата на Гугл, заради пренесување на звукот до внатрешното уво преку вибрации.

Видео снимката за рекламата „прозорот кој зборува“ веднаш доби коментар од маркетинг агенциите:

„Уморните патници најчесто одмараат со потпирање на главата на прозорецот. Одеднаш, почнуваат да слушаат како некој им се обраќа и никој друг не може да слушне што зборува гласот во главата.“

Гласот, всушност припаѓа на спикерот од аудио трансмитерите вградени во прозорецот.

Овој вид на рекламирање, може да се прошири и на други сегменти – музика, забава, информации за сообраќајот и времето.