Откриена е формулата за совршена пица

Рецептот за совршена пица е еден од најбараните, бидејќи е вистинска мала уметност да се направи добро тесто и да се погоди мерата на тестото и зарзаватот.

Според некои истражувања кои ги направиле некои научници откриле дека тајната е во односот меѓу тестото и зарзаватот кој зависи од големината на пицата.

Така, кога јадеме мала пица со секој залак јадеме и повеќе зарзават бидејќи е концентриран еднакво по површината, а кога јадеме голема пица зарзаватот се разлева по краевите на пицата, па нема толку крцкави корки.

По многуте проучувања, научниците ја објавиле вистинската математичка формула : t/d x r6/(r3-15)2

Во оваа формула „d“ е константа за волуменот на тестото, а „t“ е константа за волуменот на зарзаватот, додека „r“ е големината на пицата. Остатокот на формулата претставува најдобра можна комбинација на мерките на тестото и зарзаватот кои гарантираат дека секој залак е совршен.

Научниците биле ангажирани од ланецот пицерии PizzaExpress за да дознаат зошто нивната Класик пица која е со големина од 11 инчи е помалку популарна од пицата Романа која има големина од 14 инчи, а која има потенко и крцкаво тесто.

Всушност, главниот проблем е во непечената средина на пицата каде обично има премногу зарзават, а колку е пицата помала толку е поголем ризикот дека средината ќе остане непечена.

Слободно испробајте ја формулата за совршена пица во вашата кујна и кажете ни дали се научниците во право?