Приказна која го воодушеви светот: Бездомник ѝ ги дал сите пари за такси, а таа му возвратила на прекрасен начин

Несебичниот гест на бездомникот Роби од Престон, кој на студентката и ги понудил последните 3 фунти за да стигне безбедно дома, стана нова тема за воодушевување.

Студентката Доминик Харисон Бентзен на 4-ти декември била излезена со пријателите, но нешто подоцна сфатила дека ја изгубила картичката на која и биле парите.

Немала пари во себе ниту да си го плати таксито до дома.

Во тој момент и пришол бездомникот Роби и инсистирал да ги земе неговите 3 фунти кои ги заработил тој ден.

Иако Доминик не ја прифатила помошта, останала трогната од добродушноста на непознатиот странец, па решила да му помогне.

Кога приказната малку се проширила низ нејзиното друштво, таа сосема случајно открила дека не е единствената на која сакал да и помогне.

Истиот бездомник Роби до сега неколку пати ги враќал изгубените паричници и на случајните минувачи им го нудел својот шал за да ги стопли.

Тогаш Доминик тргнала во хумантирана акција, затоа што сфатила дека Роби заслужува помош. Преку ширење на приказната по социјалните мрежи успеала да собере повеќе од 10.000 фунти, со кои му се оддолжила и заблагодарила на Роби за добрината.

- Божиќ е идеално време да размислиме за другите околу нас, а не само за себе, вели Доминик.