5 корисни утрински навики кои ќе ве направат посреќни

Веројатно веќе сте запознаени со изреката „по утрото се познава денот“? Секако дека да. Сите ние сме ја слушнале таа изрека барем 100-на пати, но поголемиот дел од нас воопшто не се свесни колку таа реченица е точна.

Ако најубавиот дел од денот не го започнете како што треба, ако утрото ви е стресно и исполнето со нездрави навики – како кафе и цигари, ќе имате уште полош ден.

Затоа, постојат неколку корисни и здрави навики кои ќе придонесат до посреќни утра, а со тоа и долгорочна среќа во животот:

1. Длабоко дишете

Наутро, веднаш по спиењето, отворете ги сите прозори во домот и длабоко дишете 10-на минути. Притоа добро би било сами да се потсетите колку сте живи, здрави и среќни. Ако утрото го започнете со позитивен став, во текот на денот ќе бидете поотпорни на негативната енергија.

2. Истегнување

Брзите движења по спиењето можат да предизвикаат проблеми, бидејќи телото е по малку тромаво кога ќе се разбудите. За да не се случи тоа, по утринската хигиена, направете неколку вежби за истегнување.

3. Топло-ладен туш

Влезете под туш и наизменично туширајте се со топла и ладна вода. Тоа ќе ја подобри вашата циркулација, потполно ќе се разбудите и наполните со енергија.

4. Појадок пред кафе

Можеби шолјата кафе и една цигара ви се утрински ритуал кога ќе станете, но не треба да ги консумирате рано наутро на празен желудник. Појадувајте во мир, а потоа продолжете со останатите утрински активности.

5. Планирајте

Најголемите проблеми наутро се случуваат поради тоа што воопшто не планирате и не го управувате сопственото време. Целиот утрински стрес произлегува од брзањето и доцнењето, а тоа најчесто можете да го избегнете ако добро го испланирате времето.

Н. Г. | Црнобело