11 начини да „преживеете“ тежок ден кога сте ненаспани

На сите ни е јасно дека доколку не сакаме да бидеме уморни и едвај да го издржиме денот со сите обврски, најдобро е да се наспиеме колку што му е на телото доволно.

Но, исто така и сите сме свесни за тоа, дека понекогаш не е возможно да бидеме доволно наспани и многу често се случува ненаспани да го почнеме денот.

Дали детето плачело цела ноќ, или сте славеле некој голем успех – причината не е важна, важно е дека некако треба да го издржите работниот ден.

Сигурно досега сте слушнале многу совети кои ќе ги прочитате и овде, но никогаш навистина не сте се обиделе да ги остварите.

Верувајте, кога би направиле барем половина од овие работи, со сигурност денот ќе ви биде полесен и ќе имате повеќе енергија додека да се вратите дома.

Правете вежби

Ова не значи дека ви е потребен цел утрински тренинг, доволно се 3-5 едноставни и брзи вежби за да „живнете“.

Туширање со ладна вода

Стар добро познат и ефективен трик за најхрабрите.

Излезете надвор

Посебно доколку е надвор ладно, а дома греењето ви е силно, ќе ви годи доколку кратко прошетате на воздух или пак, излезете на тераса. Студот со сигурност ќе ве расони повеќе од топлото.

Направете план за денот

Со запишување на сите работи кои треба да ги правите во текот на денот, го „размрдувате“ мозокот и почнувате да се концентрирате на задачите.

Ограничете ја количината на вештачки засладувач

Високо ниво на шеќер во крвта може да го зголеми чувството на мрзливост. Овошјето е секогаш подобра алтернатива.

Сладолед за појадок

Секако, во овие ладни денови ретко кој би го правел тоа, но чувајте го овој трик за понатаму. Доволни се неколку лажички ладен сладолед кој ќе ви помогне да се расоните, а делува слично како со ладниот воздух.

И се разбира, ова не значи дека треба да изедете цела канта сладолед. 

Уште 5 совети на следната страна...