Од кога се пие кафе?

Англичанецот George Constant Washington, кој живеел во Гватемала, е заслужен за постоењето на инстант кафето, а швајцарската компанија „Нестле“ е...

 

...заслужна за неговото денешно производство.  

Еспресо уредот, кој во 1901 го патентирал Luigi Bezzera, создаде уште еден вид на љубители на кафето. Еспресото е напивка направена со пуштање на пареата под притисок низ кафето. Многу е побогато и поконцентрирано од стандардното филтер кафе. Се користи како основа за капучино или лате.

Љубителите на капучиното треба да го запомнат името на италијаните Ахи и Гаги кои го усовршиле уредот за еспресо и овозможиле производство на капучино.

Капучиното е направено од еспресо и еднаква количина загреано или запенете млеко. Топлото млеко се меша со еспресото, а пената се става на врвот. Најчесто се прави комбинација од 1/3 еспресо, 1/3 загреано млеко и 1/3 пена од млекото.

Лате е направено од еспресо и загреано млеко. Соодносот е 1/3 еспресо и 2/3 загреано млеко. 

Макијатото е направено од еспресо со многу малку загреано млеко или пена од млекото додадена на врвот.

Иако вистинските љубители на кафето со сомнеж ќе гледаат на кафето без кофеин, треба да знаете дека тоа се пие уште од 1903 година.

Тогаш, германскиот трговец Лудвиг Руселиус им поклонил на група научници поголема количина оштетени зрна кафе кои не можел да ги продаде. Тие смислиле начин како да го отстранат кофеинот, а притоа да не го уништат изворниот вкус.

Какво кафе вие пиете најчесто?