Промени кои ќе му се случат на вашето тело ако одите на часови за танцување

Танцувањето е посебна уметност која со тек на време станува начин на живот, а на секого влијае исклучиво позитивно.

Многу луѓе знаат дека танцувањето е интересно и корисно хоби, но не секој има доволно мотивација и време за да го проба тоа на себеси.

Сепак, танцувањето има многу поголем бенефит од она што им е на сите познато.

Во продолжение погледнете кои се промените кои му се случуваат на телото ако почнете да практикувате редовно танцување, па можеби ќе се мотивирате:

Прв час

Уште по првиот час, психичката и емоционалната состојба на човекот се подобрува. За време на танцувањето, се лачи ендорфин – хормон на среќата, што има позитивно влијание на целокупната состојба.

Втор час

Дури и да не сте биле многу расположени, додека сте на час, се концентрирате на движењата и заборавате на сите останати работи и проблеми. Почнувате да си влевате самодоверба и се чувствувате многу подобро.

Од 2 недели до 3 месеци

Танцувањето се смета за кардиоваскуларна вежба, а активното танцување од 1 час може да биде еднакво на 1 час трчање.

Со танцувањето го тренирате срцето и ги подобрувате крвните садови, а ги зацврстувате мускулите и зглобовите.

По неколку недели ќе забележите дека телото станало поеластично, а бројката на вагата ќе ви покаже пријатно изненадување.

Од 3 до 9 месеци

Со редовното танцување, не само што ќе се чувствувате задоволно и пријатно, како и што ќе имате еластично и цврсто тело, туку тоа помага и при ослободување од стрес, како и за зајакнување на имунитетот, а со тоа ќе станете поотпорни и посилни.

1 година

Танцувањето е одличен начин да научите да го контролирате телото. Тешко е да се замисли танчар со искривено тело и лошо држење на телото.

Со усовршувањето на чекорите, ќе се приспособите на држењето на телото со исправен грб и затегнати мускули, па така ќе почнете и да се движите пограциозно и самоуверено.

5 години

Редовното танцување ќе ве научни вистински да ја слушате и чувствувате музиката.

Луѓето кои танцуваат развиваат чувство за ритам и добиваат вкус за уметност, а тоа влегува длабоко во секое поле од нивниот живот, што ги прави повнимателни и организирани.

10 години

Танцувањето ќе ве направи попаметни, бидејќи е докажано дека тоа влијае позитивно на когнитивните способности.

Динамиката која е потребна за носење брзи одлуки ќе ви отвори нови патишта и полесно ќе ги примате и обработувате информациите.

15 години

Танцувањето може да биде одличен лек за подобрување на циркулацијата на крвта во мозокот, што ги подобрува неговите функции и го штити од промени поврзани со стареењето.

Ова е одличен начин за заштита на здравјето и мозокот, па затоа треба да го практикувате за цел живот.

М. М. | Црнобело