За сите кои имаат седечка работа - 4 истегнувања за кои телото ќе ви биде благодарно

Доколку сте од оние кои најголем дел од работното време го поминуваат во седечка положба, тогаш ова се вистински вежби за вас. Веројатно се соочувате со болки во вратот и половината, чести главоболки, трнење во краевите на екстремитетите.

Можеби го немате луксузот да вежбате за време на паузата, но она што може да го направите се овие едноставни, а ефектни секојдневни истегнувања поради кое телото ќе ви биде мошне благодарно:

Мост

Доколку редовно ја практикувате оваа вежба, ќе почувствувате дека помага во истегнувањето на градниот кош, вратот, ’рбетот и колковите. Истовремено го зајакнува грбот, задникот и листовите.

Ја подобрува крвната циркулација и помага во сузбивањето на стресот и благата депресија.

Допирање на ножните прсти

Делува лесно, нели? Сепак, потребно е да вложите малку повеќе напор, а доколку навистина сакате предизвик откако ќе ги допрете ножните прсти со рацете, кренете ги стапалата, односно застанете на прстите.

Ќе го ослободите притисокот во колковите, добро ќе ги истегнете листовите на нозете, ќе ги зајакнете препоните и колената, а ’рбетот на овој начин станува посилен и флексибилен.

Истегнување на коленици со главата надолу

Доколку издржите 5 минути дневно во оваа положба ќе почувствувате мир во умот. Оваа поза делува како апче за смирување, а воедно е одлична за дигестијата на храната. Го истегнува долниот дел од грбот и ги отвора колковите.

Истегнување на четвртестиот слабински мускул

Овој мускул е делот којшто предизвикува вкочанетост и болки во долниот дел од грбот, односно во половината поради предолго седење и премалку истегнување на телото.

Овој дел од телото мора да се истегнува секојдневно, особено доколку најголем дел од денот го поминувате во седечка положба.

(О)Милена | Црнобело