Како да започнете со тренинг по долга пауза?

Луѓето кои вежбаат секојдневно ви се мистерија? Се прашувате како успеваат? Што ги мотивира? Кога сакате да започнете со вежбање по подолга пауза, прво треба да размислите за вашето моментално ниво на здравје и форма и зошто сакате да ги подобрите.

Дали се закрепнувате од повреда или болест? Дали направивте долга пауза затоа што немавте време да тренирате и сакате да се вратите на вистинскиот пат?

Дознајте како да започнете со тренинг по долга пауза?

Поставете цели

Со поставување цели можете да го мерите напредокот. Вашата цел може да биде вашата прва трка на 5 км, три часа нагорно одење без запирање или пливање 20 круга без пауза. Ова може да вклучува и секојдневни работи, како качување од приземје до последниот кат од зградата.

Ако знаете зошто сакате да вежбате ќе го олесните поставувањето на остварливи, лични цели. Ако не сакате да истрчате маратон, нема потреба да се стремите кон тоа, само затоа што луѓето во вашата близина го прават тоа.

Забавувајте се

Одлука да започнете со тренирање и поставување цели е одличен прв чекор! Сега е време да изберете активност (или активности) во кои ќе уживате и ќе ги правите редовно. Ако веќе не сте љубител на класични спортови или тренинзи, време е да пробате нешто ново.

Имате многу избори: трчање, пливање, возење велосипед, пешачење, лизгање, CrossFit, Зумба, итн.

Почнете полека

Ако започнувате со спорт или закрепнувате од повреда, не треба да претерате. Претерувањето ќе доведе до замор, демотивација и, во најлош случај, повреда.

Бидете подготвени за тешки денови

Развивање нови навики е секогаш предизвик, барем за повеќето од нас. Но важно е да ги задржите дури и кога сте уморни или демотивирани. Ќе се соочите со некои тешки денови, па е добро да се подготвите за нив.

Во овој случај направете половина од вообичаеното вежбање и завршете со подолга сесија на истегнување.

Бидете конзистентни и водете сметка за вашиот напредок

Единствениот начин да се добијат резултати е конзистентност. Ова значи дека треба редовно да тренирате, затоа што конзистентноста е поважна од било што друго.

Се разбира, колку повеќе тренирате, толку подобро, а по неколку недели, веројатно ќе најдете ритам што ви одговара. Држете се до него. Со текот на времето, распоредот можете да го подобрите на многу начини.

Ашера | Црнобело