7 причини зошто професијата такси возач е навистина тешка

Мора да внимавате патникот седнат одзади да не ви избега без да плати (да, за жал, се случува и тоа). Мора да бидете подготвени за ненадеен напад и грабеж (никогаш не знаете кој седи до вас или зад вас).

Професијата такси возач е убава затоа што работните часови ви се флексибилни, работите сами, односно до вас немате шеф кој ви дише во вратот, постојано запознавате нови луѓе и им помагате да стигнат до посакуваната дестинација, доколку сакате поголема заработувачка, можете да работите прекувремено итн.

Но, оваа професија има и многу негативни аспекти и навистина понекогаш не е лесна. Замислете само возење по снежни замрзнати улици или пак кога надвор е 40 Целзиусови степени и сонцето ве пече преку прозорецот...

Тешката страна на професијата такси возач:

- Мора да работите во смени и кога сте трета смена да земате пијани девојки/момци од клубови во 3 часот наутро.

- Мора да знаете како да останете смирени и во најстресните ситуации и тоа неретко доаѓа до физичка, но и психичка исцрпеност.

- Мора да внимавате патникот седнат одзади да не ви избега без да плати (да, за жал, се случува и тоа).

- Мора да бидете подготвени за ненадеен напад и грабеж (никогаш не знаете кој седи до вас или зад вас).

- Мора да ја одредите точната доза на разговор со клиентот (да бидете пријатни, но не и нападни).

- Мора да ги знаете сите улички во градот, а и да знаете како да се снајдете кога ќе заглавите некаде.

- Мора да бидете многу внимателни затоа што постојано сте дел од сообраќајот во кој има многу несовесни возачи.

С. С. | Црнобело